成都日式美食联盟

新发现淘金一间抵食居酒屋,3部iphone咁厚嘅鱼腩刺身你哋食过未?

吃喝玩乐IN广州 2018-11-08 16:41:44

编辑:黄清秀 摄影:叶洁霖


天时甘热,最岩食刺身、寿司,住系淘金附近嘅食货朋友同小编推荐左一间新开嘅日式居酒屋,听讲呢间居酒屋系三个型男开嘅,美(mei)食(se)当前,正所谓执输行头惨过败家,点可以唔去试试!一试真系上瘾,皆因呢度D出品一系摆盘精致、二系味道上乘、三系类型新颖,食色兼收,即刻去片!

“八森町居酒屋”位于淘金北路,木制招牌,红色灯笼,门面颇有日剧入边居酒屋Feel!有二人、四人台,亦都有榻榻米,朴实素净又温馨。三五知己,坐系榻榻米上,一边食一边倾计,好叹!

呢度嘅厨房系全开放式,敢将厨房曝光,食客可以随时睇到料理师傅做食物,可以睇得出呢度嘅出品相当卫生!师傅发现左我地偷拍佢,好配合甘比左个Chock得黎好迷人嘅眼神。

好啦,讲左咁多,上菜最实际!


刺身类:


摆盘相当靓仔嘅三文鱼大盛宴,三文鱼腩有d吓亲我,劲厚身!!!三文鱼,隐隐流动光泽好诱人!!!斋睇卖相就觉得好新鲜,呢条“三文鱼船”唔洗劳烦你入黎我碗,我自己上船!!!

得个睇系无用嘅,即刻夹翻块摆落口试试,肉质饱满结实,鱼油丰盈有化口感,鱼香味浓厚;至于鱼腩,中间夹住萝卜丝,岩好冲淡左鱼腩油腻感,最紧要系厚过三部iphone5,轻轻地点个赞先!

呢一份“三文鱼大盛宴”系158蚊嘅,如果两个人去,惊太多食唔晒,可以单点呢度一份五片厚切三文鱼刺身,只需要38蚊,而且单点嘅三文鱼刺身比“大盛宴”嘅要厚身,相当抵食!


除咗三文鱼刺身,鲜带子刺身都系好值得推荐!厚身程度直接睇图!肉质爽软味道鲜美,而且带子易消化,岩晒惊肥嘅女仔,比如我O(∩_∩)O哈哈~


特色料理:


话明系“居酒屋”又点可以少左料理,“八森町”D料理出品可谓“高大上”,卖相味道毫不逊色出边嘅星级料理店,价格又实惠!好似呢一款一口牛表面微焦,一啖落去好惊喜!

芝士烤大虾,d肉质相当结实,讲明只虾够晒新鲜!42蚊两只,出边都要卖到30几一只啦,老细话卖一份蚀一份,去到唔点多几份点对得住老细啊,O(∩_∩)O哈哈~


炙烧系列:

用火枪烧寿司,斋睇已经好过瘾,点知味道更加好,炙烧过后,食落去好惹味!炙烧三文鱼腩,三文鱼腩本身已经好肥美,鱼油微微甚出融入系饭团入边,淋上大阪酱更加系锦上添花,味道一流!


炙烧推荐:炙烧带子焗卷,炙烧三文鱼腩


特色卷类:

好中意食芒果,所以一口气点左三份芒果系列嘅卷类寿司,芒果酸酸地好百搭!无论系同吞拿鱼、鳗鱼定系三文鱼搭配都非常ok,佢可以带出d海鲜嘅鲜味,令口感更加丰富。


卷类推荐:香芒三文鱼寿司,香芒鳗鱼寿司,香芒三文鱼卷


沙拉系列:

食完寿司黎份沙律,消消腻就最岩不过啦!八森町嘅沙拉摆盘都好靓,而且好足料,蟹子蟹柳青瓜沙拉,d蟹子蟹柳好似唔使钱咁落。火龙果它它明太子更加精致,咁样摆盘嘅沙律,你哋试过未?而且火龙果加左明太子、沙拉酱,味道即刻丰富晒!


沙拉推荐:蟹子蟹柳青瓜沙拉,火龙果它它明太子


食咗咁多,最后做下总结:

“八森町居酒屋”,刺身、寿司、料理款式相当多,去一次根本试唔晒,其他嘅唯有等下次再组队去食,出品美味,环境舒服,有嘢食又有酒饮(呢度有15款清酒),食完野伊饱个肚,仲可以同朋友仔吹吹水闲话家常一番!系咪好过瘾呢?今个星期,不如约埋几个好友,一起过嚟叹下啦!

店名:八森町居酒屋

地址:越秀区淘金北路36号101铺

营业时间:11:00-22:00

电话:18028043571

优惠资讯:新店开张,近期都有8.8折优惠!

交通指引之搭地铁:

地铁五号线淘金站B出口

路线指引:

地铁淘金站B出口到“八森町居酒屋”

交通指引之坐公交:

公交:省第二中医院站下(途径公交:109路、10路、110路、111路、184路、245路、247路、294路、297路、546路、547路、706路)

路线指引:

搭公交,从省第二中医院到“八森町居酒屋”

交通指引之自驾:

自驾车可以行驶到旁边的淘金花园停车。

费用详情:

停车费用5元/小时,15元封顶。


---------我是华丽丽的分割线君----------


【关于我们】


@吃喝玩乐IN广州 是广州地区最大的微博、微信平台,微博粉丝近115万、微信粉丝近20万,发布一切关于广州的生活资讯、美食优惠、玩乐攻略等,如果你想了解更多广州玩乐资讯,请关注@吃喝玩乐IN广州 官方微信:Gzlifes


【联系我们】


商家撰稿、餐饮推广、到店采访请联系主编微信:Pz0402,期待与您的合作!